Më 29 prill të vitit 1960 nisi transmetimin Televizioni Publik Shqiptar.
Ky zhvillim i hapi udhën fillesave të tregut televiziv në Shqipëri. Imazhi i parë që u shfaq në ekranin bardhezi ishte folësja Stoli Beli. Në ditën që nisi transmetimi, programacioni ishte gjithëpërfshirës, duke synuar të kënaqte interesat e gjithë brezave të shikuesve.
- Advertisement -
Ditën e parë u shfaqën një film për fëmijë, një dokumentar, një koncert e përsëri një film.
Në vitin 1963 do të transmetohej edicioni parë i lajmeve, ndërsa dy vjet më pas, kamera e vetme e TVSH-së u zhvendos drejt stadiumit për të transmetuar një ndeshje futbolli.
- Advertisement -
Deri në atë kohë radioja kishte qenë i vetmi burim i argëtimit dhe informimit, duke transmetuar që prej 28 nëntorit 1938.
