Kryetari i Lidhjes Demokratike të Kosovës (LDK), Lumir Abdixhiku, ka pritur sot në selinë e partisë ambasadoren e Holandës, Karin Boven, me të cilën kanë diskutuar për zhvillimet e fundit në vend dhe në veçanti për zgjedhjet e 9 shkurtit.
Abdixhiku e ka njoftuar ambasadoren Boven për përgatitjet që po i bën LDK për zgjedhjet parlamentare, shpalosjen e programit politik “Rruga e Re”, si dhe për “Turneun e Ndryshimit” “i cili po mbahet gjithandej Kosovës, e po ashtu edhe në mërgatë dhe mbështetjen e madhe qytetare që ka marrë ky turne”.
- Advertisement -
“Në fund të takimit, kryetari Abdixhiku falënderoi ambasadoren Boven për mbështetjen e vazhdueshme, që Holanda i ka dhënë Kosovës, në proceset e rëndësishme të zhvillimit të vendit.”
