Prokuroria Speciale e Kosovës do të përgatisë ftesë të re për paraqitjen e kryeministrit të Kosovës, Albin Kurti, për të dhënë dëshminë e tij në rastin e rezervave shtetërore.
Kështu ka thënë zëdhënësja e kësaj prokurorie, Liridonë Kozmaqi.
- Advertisement -
“Sot nga kabineti i kryeministrit Kurti, Prokuroria Speciale është informuar se kryeministri gjendet në udhëtim jashtë vendit dhe e ka të pamundur të paraqitet sot në prokurori”, tha ajo.
Sipas Kozmaqit, pasi që Kurti është në udhëtim jashtë vendit, atij do t’i bëhet një ftesë tjetër.
- Advertisement -
“Prokuroria Speciale konform legjislacionit në fuqi do të përgatisë një ftesë tjetër për kryeministrin Kurti për një datë tjetër”.
