Drenasi ndalon përdorimin e mjeteve piroteknike në hapësirat publike

Komuna e Drenasit njofton qytetarët se, bazuar në një urdhëresë të re, ndalohet përdorimi i produkteve piroteknike në të gjitha hapësirat publike, përfshirë: sheshet, rrugët, dhe hapësirat e tjera publike.

Tutje, komuna ka njoftuar se shitja e produkteve piroteknike lejohet vetëm nga data 19 deri më 31 dhjetor, ndërsa përdorimi i fishekzjarrëve është i lejuar nga 26 dhjetor deri më 1 janar 2025.

Çdo shkelje e këtij vendimi do të ndëshkohet:

Me gjoba nga 200 deri në 500 euro, ose me dënim me burgim nga 3 deri në 10 vite.

Për zbatimin e kësaj urdhërese do të kujdeset Drejtoria e Inspeksionit.

Komuna bënë thirrje që të respektohet ky vendim për të garantuar sigurinë dhe qetësinë gjatë festave të fundvitit!