Sot rreth orës 19:30, një këmbësore është goditur nga vetura në Prishtinë, saktësisht në rrugën “C”.
Rastin për media e ka konfirmuar zëdhënësja e policisë për rajonin e Prishtinës, Flora Ahmeti, ku njoftoi se këmbësorja është dërguar për tretman mjekësor.
- Advertisement -
“Sot rreth orës 19:30 në rrugën “C” në Prishtinë, ka ndodhur një aksident trafiku në mes të një automjeti dhe një këmbësoreje. Si pasojë e aksidentit është lënduar këmbësorja e cila është dërguar për tretman mjekësor”, ka thënë Ahmeti.
Ndërsa, ka bërë të ditur se me rastin po merret njësiti i trafikut.
