Astronomët kanë zbuluar galaktika aliene që duken si objekte të ndritshme me ngjyrë të kuqe.
Duke analizuar të dhënat e mbledhura nga teleskopi hapësinor James Webb i NASA-s (JWST), ata identifikuan 56 “objekte të rrafshuara ultra të kuqe” që kishin kaluar pa u vënë re nga teleskopët e mëparshëm.
Këto galaktika aliene ka të ngjarë të fshiheshin pas reve të pluhurit.
Megjithatë, teknologjia e avancuar e teleskopit James Webb, duke përfshirë aftësinë e tij për të zbuluar dritën infra të kuqe, u mundësoi shkencëtarëve të kapnin imazhe të këtyre disqeve të vendosura në skajet më të largëta të hapësirës.
Sipas studiuesve nga Universiteti i Kolorados, këto galaktika të fshehura janë të ngjashme me Rrugën e Qumështit, por dukshëm më “me pluhur”.
“JWST na lejon të shohim këtë lloj galaktike që nuk do të kishim mundur ta shihnim kurrë më parë. Ne menduam se më afër nesh, ne kishim një kuptim mjaft të mirë të të gjitha llojeve të galaktikave që ekzistojnë”, tha autori kryesor Justus Gibson.
“Kjo na tregon se ndoshta nuk e kemi kuptuar universin aq mirë sa mendonim”, shtoi Gibson.
