Bahtiri paralajmëron takim me Kurtin në Mitrovicë para nisjes së fushatës
storm•/Zgjedhjet2025: Ish-kryetari i Mitrovicës, Agim Bahtiri, i njohur për stilin e tij të veçantë të komunikimit, ka bërë një njoftim që tërheq vëmendje. Bahtiri, i cili u mposht në zgjedhjet lokale nga Bedri Hamza – tashmë kandidat i PDK-së për kryeministër – ka bërë të ditur se të dielën do të jetë në Mitrovicë në një takim me kryeministrin Albin Kurti.
Ky takim, do të shërbejë si një “ngrohje” para se fushata të nisë zyrtarisht të martën e javës së ardhshme.
Njoftimit i është bashkangjitur një fotografi e tij me kryeministrin Kurti nga një fushatë e kaluar, ku ata shihen duke ecur në Mitrovicë, gati për t’u krahasuar me “dy luanë”.
Mitrovica pritet të jetë një ndër qendrat e nxehta të garës politike në zgjedhjet e ardhshme.
