storm•/Zgjedhjet2025: Deputeti i Aleancës për Ardhmërinë e Kosovës (AAK), Pal Lekaj, i cili rikandidon në zgjedhjet e 9 shkurtit, ka zhvilluar një takim me qytetarët e Gjakovës për të shpalosur vizionin e tij dhe të AAK-së. Në postimin e tij në Facebook, Lekaj ka falënderuar qytetarët për mbështetjen e pandërprerë për më shumë se 20 vite, si në nivel lokal, ashtu edhe qendror.
“Të dashur bashkëudhëtarë, ndjehem i vlerësuar dhe i përulur përpara mbështetjes suaj të pa rezervë. Për 20 vite nuk keni reshtur së më përkrahuri dhe mezi pres ta kthej këtë besim në punë dhe përkushtim,” ka shkruar Lekaj, i cili mban numrin 7 në listën e AAK-së.
Takimi u zhvillua në një atmosferë të ngrohtë, ku Lekaj theksoi se do të vazhdojë të punojë për të përfaqësuar interesat e qytetarëve të Gjakovës, duke synuar një tjetër mandat përmes mbështetjes së tyre.
