Basha: Media e lirë, shtylla e demokracisë – mesazh në 34-vjetorin e “Rilindjes Demokratike”
Në përvjetorin e 34-të të gazetës “Rilindja Demokratike”, Lulzim Basha ka shprehur mirënjohjen për kontributin e gazetarëve dhe intelektualëve që sollën fjalën e lirë në Shqipëri. Përmes një reagimi në Facebook, Basha theksoi se 5 janari është një ditë historike që shënoi fillimin e një epoke të re për demokracinë dhe shtypin e pavarur në vend.
Megjithatë, Basha ngriti shqetësime për lirinë e medias sot, duke përmendur kërcënimet ndaj gazetarëve, presionet editoriale dhe mungesën e transparencës nga institucionet. Ai theksoi se pa një shtyp të pavarur, demokracia dhe zhvillimi i qëndrueshëm janë të rrezikuara.
Në këtë përvjetor, Basha u shpreh se liria e medias duhet të mbrohet si një shtyllë e rëndësishme për të ardhmen demokratike të Shqipërisë.
