Përvjetori i Masakrës së Abrisë së Epërme të Drenasit, kujtohet me fjalë prekëse të Kryeministrit Kurti
Storm/Përkujtim: Në përvjetorin e 26-të të Masakrës së Abrisë së Epërme të Drenasit, ku forcat paramilitare serbe masakruan 22 anëtarë të familjes Deliu më 26 shtator 1998, Kryeministri i Kosovës, Albin Kurti, ka përkujtuar viktimat nga Shtetet e Bashkuara të Amerikës ku ndodhet për një vizitë zyrtare. Në një reagim të hershëm, ai ka nderuar martirët e kësaj tragjedie, duke theksuar se gjaku i tyre do të mbetet në ndërgjegjen e atyre që ende nuk kanë marrë dënimin e merituar.
Përmes kujtimit të dëshmive tronditëse të gazetarit Wade Goddard, Kurti rikujtoi brutalitetin e papërshkrueshëm me të cilin forcat serbe kryen masakrën, ndërsa askush nuk është mbajtur përgjegjës për këtë krim.
“Brutaliteti dhe urrejtja janë të papërshkrueshme,” citohet Kurti të ketë thënë, duke përmendur veçanërisht rastin e anëtarëve më të vegjël të familjes, të cilët u masakruan pa mëshirë.
Masakra e Abrisë, e ndodhur në kulmin e luftës në Kosovë, mbetet një nga krimet më të rënda të gjenocidit serb, dhe për të, si për shumë të tjera, drejtësia ende nuk ka dhënë përgjigje.
Poashtu edhe “çekani” i drejtësisë që tregon se ende nuk është arritur drejtësia për këto ngjarje që i ka shkaktuar Serbia.
Në përvjetorin e kësaj ngjarjeje të dhimbshme, kryeministri bëri thirrje për forcimin e Republikës së Kosovës dhe ruajtjen e kujtimit të të rënëve / Storm-rks
