Kryeministri Kurti intensifikon aktivitetet diplomatike në SHBA, takime të rëndësishme me liderë ndërkombëtarë
Storm/SHBA: Pas një udhëtimi të gjatë në SHBA, Kryeministri i Kosovës, Albin Kurti, e nisi vizitën zyrtare me një ritëm më të lehtë, ndoshta për shkak të lodhjes nga fluturimi. Megjithatë, dita e dytë e qëndrimit të tij në New York shënoi një përfshirje më dinamike në takimet e nivelit të lartë. Kurti zhvilloi bisedime të rëndësishme me disa liderë botërorë, duke përfshirë Princin e Kuvajtit, Sheikh Sabah Khaled Al-Sabah, Kryeministrin e Greqisë, Kyriakos Mitsotakis, dhe Kryeministrin e Andorrës, Xavier Espot Zamora.
Gjithashtu, ai pati takime me zyrtarë të lartë të Luksemburgut dhe Singaporit, si dhe me përfaqësues të tjerë të shteteve si Samoa dhe Vanuatu. Një nga momentet kyçe të agjendës së Kurtit ishte takimi me Nënsekretarin e Përgjithshëm të Kombeve të Bashkuara, Haoliang Xu, i cili shërben si Administrator i Asociuar i Programit për Zhvillim të OKB-së (UNDP).
Kurti vlerësoi këto mundësi për të forcuar lidhjet mes Kosovës dhe shteteve të tjera, duke shprehur mirënjohjen për mbështetjen e vazhdueshme që vendi ka marrë në skenën ndërkombëtare. Ai theksoi gjithashtu rëndësinë e shkëmbimit të përvojave mes vendeve, që do të kontribuojnë në përfitimin e institucioneve dhe qytetarëve të Kosovës / Storm-rks
