Lirim Mehmetaj: “Albin, Baba i Rrenës” – Abuzimi politik me shqiptarët e Luginës
storm•/reagime:📝 Gazetari Lirim Mehmetaj ka reaguar ashpër ndaj deklaratave të fundit të Kryeministrit në detyrë, Albin Kurti, për shqiptarët e Luginës së Preshevës, duke e akuzuar për manipulim politik dhe mashtrim të hapur.
“VV nuk i ka numrat për të qeverisur, ose më saktë, për të vjedhur e vetme. Gjithçka që po shihni këto ditë është veç një tentativë për ta fshehur këtë fakt,” shkruan Mehmetaj.
Ai e cilëson angazhimin e papritur të Kurtit për Luginën si një abuzim të paskrupullt me kauzat kombëtare, duke rikujtuar se në marrëveshjet e Brukselit dhe Ohrit, çështja e shqiptarëve të Luginës nuk është përmendur askund.
“E pati njëherë kusht reciprocitetin, por e hoqi. Madje, Miroslav Lajçak e ka pranuar publikisht se Kurti nuk e ka sjellë kurrë në tavolinë temën e shqiptarëve të Luginës,” shton ai, duke vënë në pikëpyetje sinqeritetin e tij politik.
Mehmetaj e përmbyll reagimin me një mesazh të drejtpërdrejtë për Kryeministrin në detyrë:
“Ka kaluar koha e hajvanëve, o hajvani i fundit!”
