Gjendet i vdekur një person në veturën e tij në Gjilan; arrestohet një shtetas izraelit për një rast të veçantë
storm•/Policore: – Një ngjarje e rëndë ka ndodhur në fshatin Dobërqan të Gjilanit, ku një person është gjetur i pajetë brenda veturës së tij.
Sipas raportit të Policisë së Kosovës, viktima, një mashkull kosovar, është gjetur pa shenja jete rreth orës 15:20. Ekipi mjekësor në vendin e ngjarjes ka konstatuar vdekjen e tij, dhe me vendim të prokurorit, trupi i pajetë është dërguar për autopsi në Institutin e Mjekësisë Ligjore (IML) për të përcaktuar shkaqet e vdekjes.
Në një zhvillim të veçantë, burime të storm• raportojnë se në mëngjesin e 16 shkurtit, një shtetas izraelit është ndaluar në lidhje me një rast të shkaktimit të rrezikut të përgjithshëm në komunikacion ose ngjashëm. I dyshuari aktualisht po merret në pyetje nga hetuesit policorë në stacion dhe do të procedohet më tej sipas vendimeve të organeve të rendit dhe drejtësisë.
Autoritetet po vazhdojnë hetimet për të zbardhur rrethanat e këtyre ngjarjeve.
