Komisioni Qendror i Zgjedhjeve (KQZ) ka bërë të ditur se në bazë të dhënave të pranuara nga Qendrat Komunale të Numërimit, në të cilat është duke vazhduar apo ka përfunduar procesi i numërimit të votave të kandidatëve për deputetë nga Zgjedhjet për Kuvendin e Kosovës, deri më 16 shkurt në orën 16:00, janë numëruar 63.60 % e vendvotimeve apo 1,611 nga 2,533.
Sipas KQZ-së procesi i numërimit të votave ka përfunduar në 14 Qendrat Komunale të Numërimit (QKN) në komunat: Deçan, Kamenicë, Novobërdë, Obiliq, Shtërpcë, Suharekë, Viti, Junik, Mamushë, Hani i Elezit, Ranillug, Partesh, Kllokot dhe Mitrovicë e Veriut.
Ndërkohë, sot në orën 16:00, procesi i numërimit ka filluar edhe në QKN-në e komunave Leposaviq, Zveçan dhe Zubin Potok.
Procesi i numërimit është duke vazhduar në 24 Qendra Komunale të Numërimit.
Në tabelën e mëposhtme paraqitet progresi i numërimit të vendvotimeve sipas komunave:
