Ministri i Jashtëm i Iranit shkon në Liban
Ministri i Jashtëm i Iranit, Abbas Araghchi, ka mbërritur në Bejrut, raportojnë mediat shtetërore libaneze, vetëm disa orë pasi sulmet ajrore izraelite goditën perimetrin e aeroportit.
“Një avion iranian ka ateruar në Aeroportin Ndërkombëtar Rafik Hariri me ministrin e Jashtëm Abbas Araghchi në bord,” raportoi Agjencia Kombëtare e Lajmeve të Libanit.
- Advertisement -
Kjo është vizita e parë e një zyrtari të lartë iranian që kur një sulm izraelit vrau udhëheqësin e Hezbollahut, Hassan Nasrallah, në Bejrut javën e kaluar.
Sipas agjendës së tij, Araghchi pritet të takohet me kryeministrin e përkohshëm të Libanit, Najib Mikati, dhe kryetarin e parlamentit, Nabih Berri, i cili është një aleat i ngushtë i Hezbollahut të mbështetur nga Irani.
