Në ditën kur përzgjedhësi Franco Foda publikoi përzgjedhjen e lojtarëve që do luajnë me kombëtaren, tre lojtarët që u dënuan nga Federata e Futbollit të Kosovës, kanë dalë me një deklaratë.
Edon Zhegrova, Florent Muslija dhe Arjanet Muriç, kanë kërkuar falje për shkeljen e rregullave, duke e pranuar gabimin e bërë.
“Të nderuar bashkëlojtarë, trajner, Federatë dhe mbi të gjitha tifozë të Kombëtares së Kosovës. Po u drejtohemi me këtë letër për tu thënë se kemi bërë një gabim dhe nuk i kemi ndjekur rregullat e ekipit kombëtar. Për këtë ne duam ti kërkojmë falje trajnerit, bashkëlojtarëve, federatës dhe tifozëve. Ne duam të luajmë për shtetin tonë dhe gjithmonë do të bëjmë më të mirën në të ardhmen”, thuhet në letrën e nënshkruar nga tre lojtarët.
