Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrel, shprehu solidaritetin me Bosnjën dhe Hercegovinën, e cila u godit nga përmbytjet katastrofike dhe rrëshqitjet e dheut.
“Përmbytjet katastrofike në Bosnje dhe Hercegovinë kanë shkaktuar tashmë disa viktima dhe shumë prej tyre janë të zhdukur. BE-ja solidarizohet me Bosnje dhe Hercegovinën. EUFOR mbështet reagimin emergjent. Ne jemi të gatshëm të ofrojmë ndihmë të mëtejshme përmes Mekanizmit të BE-së për Mbrojtjen Civile”, ka shkruar Borrell në platformën X.
