Seanca e parë pranverore e Kuvendit të Serbisë u shndërrua në kaos menjëherë pas fillimit, kur deputetët e opozitës sollën pishtarë në sallë dhe i ndezën.
Pas ndezjes së pishtarëve në sallë, nuk dukej asgjë, ndërkohë që deputetët po mbyten nga tymi.
Kryetarja e Kuvendit, Ana Brnabiq, mezi mundi të fliste, duke mbajtur një shami në gojë, duke u bërë thirrje deputetëve të opozitës që të zbresin në vendet e tyre dhe që puna të vazhdojë, raporton b92.
Gjithashtu, sipas raportimeve të mediave, një deputete e DSS e Nova ka hedhur ujë mbi të.
Për pak çaste janë hedhur shishe edhe ndaj deputetëve të opozitës, të cilët dhunës i janë kundërpërgjigjur duke shpalosur flamujt serbë.
Kryetarja e Kuvendit, Ana Brnabiq, tha nga foltorja se deputetja Jasmina Obradoviq u sëmur dhe se shërbimet e urgjencës ndërhynë pasi ajo u nxor nga salla.
“Ajo është në gjendje kritike, ka pësuar goditje në tru dhe po lufton për jetën e saj. Ajo është në rrezik vdekjeprurës sepse u godit nga një granatë trullosëse ,” tha Brnabiq.
Ky është deputeti nga lista e Aleksandër Vuçiqit , i lindur në vitin 1961 dhe i diplomuar në ekonomi. Ajo është deputete e Kuvendit që nga viti 2012.
Për këtë ngjarje ka reaguar Lista Srpska në Kosovë, e cila po thotë se opozita serbe kopjoi kryeministrin e Kosovës, Albin Kurti, të cilin e quajti si “ndihmës” së opozitës serbe.
“Skenat e turpshme dhe drejtimi i kuazi opozitës në Kuvendin e Serbisë u kopjuan nga ndihmësi i tyre Albin Kurti, i cili erdhi në pushtet në Prishtinë me dhunë dhe idenë për të dëbuar gjithçka serbe. Pa dashur të fshehin aleancën e tyre me Kurtin, opozitarët e sotëm janë përpjekur të përdorin tym të kuq e të zi për të lumturuar Kurtin dhe regjimin e tij të mundur në zgjedhje”, tha Lista Srpska në një postim në Facebook.
Kjo parti foli në emër të serbëve të Kosovës, duke thënë se ngjarjet në Kuvendin e Serbisë po i shohin me “mosbesim”.
“Populli serb i Kosovës po i shikon me mosbesim ngjarjet në Kuvendin e Serbisë dhe i jep mbështetje të plotë presidentit Aleksandër Vuçiq për të ruajtur Serbinë tonë dhe për t’i mundësuar Serbisë të vazhdojë të punojë dhe të ndërtojë, në të njëjtën kohë u bëjmë thirrje të gjithë qytetarëve të Serbisë që të mos jenë instrument në duart e atyre që përsëri, siç bënë 13 vjet më parë, do të plaçkitin dhe shkatërrojnë vendin tonë”.
