Në Stanoc të Vushtrrisë, një burrë e vrau një grua e më pas veten

Një burrë e ka vrarë një grua dhe më pas veten në fshatin Stanoc të Vushtrrisë, sipas dyshimeve të para të Prokurorisë Themelore në Mitrovicë.

“Janë dy të vrarë. Dyshimet e para janë që një burrë e ka vrarë një grua dhe më pas veten”, tha për media, zëdhënësi i Prokurorisë Themelore në Mitrovicë, Valon Preteni.

Ai tha se “janë gjetë disa gëzhoja në vendin e ngjarjes”.

“Disa dëshmitarë okularë po intervistohen”, tha zëdhënësi i Prokurorisë Themelore në Mitrovicë, Preteni.