Shfaqja e disa dritave në qiell, u pa në shumë vende të botës dhe ngjalli shumë kërshëri, shumë pyetje e mjaftueshëm debat se çka mund të jenë.
Dikush pretendoi se kjo mund të ishte një shenjë nga Zoti për t’i treguar njerëzimit se ai ekziston apo ka sjellë një porosi.
Kishte të tjerë që aludonin se bëhej fjalë për fenomene jashtokësore, që ndryshe i njohim me shkurtesën UFO.
Por, Met Office, shpjegoi në një postim në X se fenomeni ka të ngjarë të jetë shkaktuar nga tymi i ngrirë i shkarkimit nga raketa SpaceX Falcon 9 e Elon Musk.
“Shtylla e ngrirë e shkarkimit të raketës duket se rrotullohet në atmosferë dhe reflekton dritën e diellit, duke bërë që ajo të shfaqet si një spirale në qiell”.
Këto spirale formohen kur karburanti i raketës i hedhur nga fazat e sipërme me rrotullim të shpejtë të Falcon 9, ngrihet në hapësirë menjëherë për shkak të lartësisë.
Rrotullimet e ngrira më pas reflektojnë dritën e diellit drejt Tokës, gjë që i bën ato të dukshme në qiellin e natës.
Raketa Falcon 9 u lëshua në Florida rreth orës 17:50 (13:50 me orën lokale) të hënën në një mision të klasifikuar të qeverisë amerikane.
