Kryetari i Bordit të Zyrës së Rregullatorit të Energjisë (ZRRE), Ymer Fejzullahu, tashmë ka treguar se çmimi i rrymës do të rritet për 15 %, por fillimisht kërkon komente nga konsumatorët.
ZRRE-ja ka sqaruar sot opinionin publik se deri më tani nuk është marrë asnjë vendim për rritjen e tarifave të energjisë.
ZRRE thotë se vendosur që Raporti Konsultativ për të Hyrat e Lejuara Maksimale të vihet në dispozicion për konsultim publik, për shkak të transparencës dhe krijimit të një dialogu të hapur me të gjitha palët e interesuara.
ZRRE-ja u bën thirrje konsumatorëve, organizatave të shoqërisë civile, bizneseve dhe të gjithë palëve të interesuara që të paraqesin komentet dhe sugjerimet e tyre deri më 28 mars.
Sipas tyre, ky proces synon të sigurojë që çdo vendim i ardhshëm të mbështetet në opinione të ndryshme dhe të ndihmojë në krijimin e një sistemi të drejtë dhe të balancuar për të gjithë.
“ZRRE rikonfirmon përkushtimin e saj për një komunikim të hapur dhe të vazhdueshëm me publikun, duke ofruar informacion të plotë dhe të saktë mbi çdo zhvillim që lidhet me tarifat e energjisë. Për më shumë detaje dhe për të paraqitur komentet, qytetarët mund të vizitojnë faqen zyrtare të ZRRE-së”, thuhet në njoftimin e ZRRE-së.
