Trupat e tetë punëtorëve të organizatës humanitare, Gjysmëhëna e Kuqe Palestine, janë zbuluar të vrarë, pasi forcat izraelite fillimisht i kishin arrestuar.
Federata Ndërkombëtare e Shoqatave të Kryqit të Kuq dhe Gjysmëhënës së Kuqe (IFRC) thotë se ky është sulmi i vetëm më vdekjeprurës ndaj punonjësve të Kryqit të Kuq/Gjysmëhënës së Kuqe kudo në botë që nga viti 2017.
Ndërkohë, sipas një artikulli në gazetën Haaretz nga një oficer i lartë në një brigadë jo-rezerviste izrelite ka zbuluar se palestinezët “detyrohen rregullisht nga ushtarët të hyjnë në shtëpitë në Gaza për t’u siguruar që nuk ka terroristë apo eksplozivë”.
“Në Gaza, mburojat njerëzore përdoren nga ushtarët izraelitë të paktën gjashtë herë në ditë”, tha oficeri.
Oficeri tha se ai shërbeu në Gaza për nëntë muaj dhe për herë të parë hasi në këto procedura, të quajtura “protokoll kundër mushkonjave”, në dhjetor 2023.
Sipas oficerit, protokolli është përdorur shumë kohë përpara se të kishte mungesë qensh nga njësia e qenve të ushtrisë, Oketz, të cilët përdoreshin për këtë qëllim.
“Ky u bë justifikimi i çmendur, jozyrtar për këtë procedurë të çmendur, jozyrtare”.
Ai shtoi se personeli i ushtrisë iu referua “mburojave njerëzore” si “shawishes”.
“Sot, pothuajse çdo togë mban një ” mburojë njerëzore – shawish” dhe asnjë forcë këmbësorie nuk hyn në një shtëpi përpara se një “shawish” ta pastrojë atë. Kjo do të thotë se ka katër “shawish” në një kompani, dymbëdhjetë në një batalion dhe të paktën 36 në një brigadë. Ne operojmë një nën-ushtri me skllevër”.
Presidenti francez Emmanuel Macron ka njoftuar se i ka kërkuar kryeministrit izraelit t’i kthehej marrëveshjes së armëpushimit.
“Theksova se ndihma humanitare duhet të rifillojë menjëherë”, shkroi Macron në një postim të gjatë në rrjetet sociale.
Ai tha gjithashtu se i kërkoi Izraelit të respektojë armëpushimin në Liban .
“Për sa i përket Libanit, pas diskutimeve të mia me Presidentin libanez të premten dhe kësaj bisede me kryeministrin izraelit, ne kemi vendosur të punojmë së bashku”, tha Macron.
“Mekanizmi i monitorimit duhet të forcohet për të rivendosur plotësisht sovranitetin e Libanit. Kjo përfshin një tërheqje të plotë të Izraelit nga territori libanez dhe mbështetje për të rivendosur monopolin e shtetit mbi armët”.
