Aktorja e madhe Tinka Kurti përfundon në azil: Për mua është tragjedi

Aktorja e mirënjohur, “Artistja e Popullit” Tinka Kurti jeton në një shtëpi për të moshuar.

Këtë fakt e deklaroi vetë artistja mbëmjen e shkuar gjatë një videomesazhi në emisionin “Big Brother Vip”.

Kurti tha se ka pasur shumë probleme dhe se vendosja në shtëpinë e të moshuarve në fillim për të ishte si një tragjedi.

Ajo pohoi se aty ka gjetur persona me të cilët kalon mirë dhe se ambienti ishte i mirë.

“Kam pasur shumë probleme se kam pasur këtë fatin tjetër që unë erdha në këtë shtëpi që e shihni edhe ju që është një mrekulli, por për mua ishte një tragjedi dhe doja të nesërmen të ikja sa më parë. Kurse tani them kurrë më me ik sepse këtu ka njerëz të mrekullueshëm, këtu ka ambient shumë të bukur”, tha aktorja Tinka Kurti.