ZRrE vendos sot për çmimin e energjisë, në shesh mbahet protestë kundër

Iniciativa ‘Asnjë cent më shumë’ do të protestojë sërish sot në orën 12:00, në sheshin “Zahir Pajaziti” në Prishtinë.

Protesta mbahet për të kundërshtuar vendimin e fundit të Zyrës së Rregullatorit të Energjisë për rritje të tarifave të rrymës nga 1 maji, në lartësinë prej 15 për qind.

Po sot, Zyra e Rregullatorit të Energjisë do të mblidhet nga ora 10:00 për të vendosur lidhur me tarifat e energjisë elektrike për vitin 2025.

Vendimi për tarifat e reja të energjisë hyn në fuqi nga 1 maji, derisa propozimi i ZRRE-së ishte që rritja të shkonte deri në 15 për qind.