NATO i jep dritën jeshile Zelenskyt për të sulmuar Rusinë
storm•/NATO: Sekretari i ri i Përgjithshëm i NATO-s, Mark Rutte, deklaroi të enjten se është “thelbësore” që Ukraina të fitojë në luftën e saj kundër Rusisë, sepse nëse regjimi i Vladimir Putinit triumfon në këtë konflikt, do të përbëjë kërcënim për të gjithë.
Politikani holandez dha një intervistë të drejtpërdrejtë për BBC-në pas takimeve me Kryeministrin britanik, Keir Starmer, dhe Presidentin ukrainas, Volodymyr Zelensky, në Downing Street, zyrën dhe rezidencën zyrtare të kryeministrit në Londër.
Gjatë takimit, Rutte theksoi se është “thelbësore” që Ukraina të dalë fituese në këtë konflikt, sepse nëse Presidenti rus, Vladimir Putin, arrin sukses, kërcënimi nuk do të kufizohet vetëm ndaj Ukrainës, por do të prekë të gjithë, duke përfshirë Mbretërinë e Bashkuar, vendet anëtare të NATO-s, Kanadanë dhe Shtetet e Bashkuara.
Në lidhje me kërkesat e vazhdueshme të Zelenskyt për aleatët që t’i lejojnë Ukrainës përdorimin e raketave me rreze të gjatë për të sulmuar objektiva në territorin rus, lideri i ri i Aleancës Atlantike vuri në dukje se “ligjërisht, Ukraina mund të sulmojë objektiva në Rusi kur ato përbëjnë kërcënim për Ukrainën; ligjërisht, kjo është e mundur.”
