storm•/Hungari: Kryeministri i Shqipërisë, Edi Rama, ndodhet për një vizitë zyrtare në Hungari, ku pritet të takohet me homologun e tij, kryeministrin hungarez, Viktor Orban.
Takimi mes dy liderëve do të mbahet paraditen e së premtes, dhe sipas informacioneve të Top Channel, pritet nënshkrimi i një marrëveshjeje në sektorin e bujqësisë.
- Advertisement -
Marrëdhëniet mes Shqipërisë dhe Hungarisë janë të konsoliduara dhe kanë njohur përparim gjatë viteve të fundit. Në vitin 2021, kryeministri Rama vizitoi Budapestin, ndërsa dy vite më vonë, Viktor Orban erdhi në Tiranë, ku u nënshkruan disa marrëveshje dypalëshe.
