Ylli norvegjez Erling Haaland vendosi një tjetër rekord të enjten pasi shënoi dy herë në një fitore 3-0 ndaj Sllovenisë në Ligën e Kombeve për t’u bërë golashënuesi më i mirë ndërkombëtar i vendit të tij me 34 gola.
Duke qenë kapiten i skuadrës në mungesë të të dëmtuarit Martin Odegaard, Haaland mori përgjegjësi shtesë.
“Sigurisht, është hap i madh dhe historik. Jam i lumtur dhe është një rekord fantastik për t’u arritur… Më kanë mbetur edhe shumë vite. Po kënaqem”, u tha Haaland gazetarëve.
Sulmuesi 24-vjeçar i Mançester Cityt u shfaq në të gjithë fushën, duke kaluar me kokë në mbrojtje dhe duke orkestruar sulmet teksa Norvegjia bëri një nga performancat e saj më të kompletuara në vite.
“Ishte një ndeshje e ekzekutuar mirë. Jam krenar. Është një rekord që ka qëndruar për një kohë të gjatë… U ndjeva mirë. Ka kaluar një kohë e gjatë që nuk kam pasur kaq shumë energji në fushë”, tha Haaland.
