Gazetari Lirim Mehmetaj ka reaguar ashpër ndaj vendimit të Ministrisë së Bujqësisë, Pylltarisë dhe Zhvillimit Rural, për rikthimin e lejeve për disa kompani transportuese të kafshëve, të cilave më herët u ishin pezulluar këto leje me dyshime për shkelje të rënda ligjore.
Ai ka akuzuar drejtpërdrejt ministrin Faton Peci, duke e cilësuar këtë rikthim të lejeve si veprim kriminal dhe kërkon urgjentisht sqarim publik.
“Fillimisht, vetë ministri Faton Peci njoftoi publikisht se këto kompani janë të përfshira në krim qindra-milionesh përmes keqpërdorimeve në zinxhirin e therjeve dhe shpërndarjes së mishit. Por vetëm dy-tre ditë më vonë, lejet për këto kompani rikthehen në heshtje, pa asnjë arsyetim”, shkruan Mehmetaj.
Ai ngrit dyshime serioze për integritetin e vendimeve të ministrisë dhe për mbikëqyrjen e ushtruar nga Agjencia e Ushqimit
