Burime të sigurta të STORM•rks bëjnë të ditur se Blerim Kuçi, ish-deputet dhe ish-ministër nga radhët e AAK-së, është afër kalimit në Lidhjen Demokratike të Kosovës dhe pritet të jetë kandidati i saj për kryetar të Suharekës në zgjedhjet e ardhshme lokale.
Edhe pse vetë Kuçi nuk ka dhënë shumë detaje, ai ka lënë të nënkuptohet se e ardhmja e tij politike po merr një drejtim të ri. Me këtë hap, ai pritet të përballet me Bali Muharremajn – ish-bashkëpartiakun e tij dhe aktualisht figurë kyçe në komunën e Suharekës.
Kuçi ka pasur një karrierë të gjatë dhe me peshë brenda AAK-së, ku ka mbajtur pozita të rëndësishme partiake dhe qeveritare, përfshirë edhe postin e ministrit. Ai gjithashtu ka shërbyer më parë si kryetar i Suharekës, çka e bën garën e ardhshme edhe më interesante.
