Mediat amerikane kanë raportuar se 49-vjeçari i arrestuar me armë në tubimin e kandidatit republikan, Donald Trump, u ka thënë policisë se ai ishte duke shkuar për të marrë pjesë në këtë tubim, pasi ishte mbështetës i Trump-it.
Ai ka mohuar se kishte në plan të bënte atentat ndaj ish-presidentit.
Vem Miller, 49 vjeç, tha se ai ua raportoi armët autoriteteve, me të cilat ai thotë se gjithmonë udhëton pavarësisht se nuk i përdor ato, ndërsa mohoi se pretendimet për dokumente e raportuara që janë false.
Arrestimi i tij me akuza për armë ndezi spekulime, pas dy tentativave për vrasje ndaj Trump-it që nga korriku.
“Unë gjithmonë udhëtoj me armët e mia të zjarrit në pjesën e pasme të kamionit tim”, tha Miller për Fox Neës Digital në një intervistë telefonike.
Ai tha se filloi t’i mbante armët me vete, kur filloi të kërcënohej me vdekje.
“Unë nuk kam qëlluar kurrë me armë në jetën time. Unë nuk di asgjë për armët. Unë jam përtej një fillestari”, tha Miller.
“Po, unë jam 100% një mbështetës i Trump-it” tha Miller, duke shtuar se ai ishte me Trump-in deri në vitin 2018.
“Ky është një njeri që unë e admiroj thellësisht, sepse unë isha një individ për sa i përket bindjeve të mia, sepse punoja në Hollyëood. Ndërsa politika ime filloi të ndryshonte, kur kuptova se Hollyëood është një komunitet homogjen”, vazhdoi Miller.
