Izraeli ka nisur zgjerimin e fushatës ajrore në Liban, ndërsa luftimet e ashpra në Gazën veriore vazhdojnë.
Ushtria e Izraelit ka lëshuar një përditësim ushtarak mbi aktivitetet e tyre si në Liban ashtu edhe në Gaza.
Nga një sulm i orëve të hershme të mëngjesit, Izraeli goditi një shtëpi në qytetin jugor të Beni Suhaila, duke vrarë të paktën 10 persona nga një familje e madhe.
Në grupin e të vrarëve janë tre fëmijë dhe një grua, kanë njoftuar nga spitali.
Ndërkohë, në qytetin e afërt Fakhari, janë vrarë pesë persona nga një sulm mbi një shtëpi poashtu herët në mëngjes.
Mes të vrarëve raportohet të ketë edhe 3 fëmijë dhe një grua.
Ushtria izraelite pretendon se përpiqet të shmangë dëmtimin e civilëve dhe fajëson Hamasin për vdekjen e tyre, duke akuzuar militantët për strehim në zonat civile.
