Rreth orës 20:00 të mbrëmjes së sotme, në një objekt në ndërtim brenda oborrit të Qendrës Klinike Universitare të Kosovës (QKUK) në Prishtinë, është gjetur trupi i pajetë i një gruaje rreth të dyzetave.
Sipas Policisë së Kosovës, njësitë policore dhe ekipi emergjent mjekësor kanë arritur menjëherë në vendin e ngjarjes, ku është konstatuar se viktima nuk kishte shenja jete.
“Ndonëse informacionet fillestare sugjerojnë për një rast të mundshëm të vetëvrasjes, në koordinim me prokurorin e shtetit, është nisur një hetim i hollësishëm për të sqaruar të gjitha rrethanat,” thuhet në njoftimin zyrtar.
🔍 Hetimet janë në vijim, ndërsa autoritetet kanë premtuar trajtim të kujdesshëm dhe profesional të rastit, për të mos lënë vend për paqartësi apo spekulime.
storm• do të vazhdojë ta ndjekë këtë rast në zhvillim.
