Opinionisti Shenoll Muharremi i ktheu Artane Rizvanollit një komunikatë të Ministrisë së Ekonomisë ku shtrenjtimin e energjisë elektrike – për të tretën herë me radhë gjatë qeverisjes së Vetëvendosje – e arsyetonin me çmim të lartë në burse nga ku importohej. Hiç më larg se dje, Artane Rizvanolli, iu referua rrymës së blerë në bursë shqiptare me nëntekste: qe sa lirë.
Postimi i plotë:
Kur dojshin me na rritë çmimin e rrymës, na thojshin “€151 kushton MW mesatarja në bursa për me ble energjinë.” Kjo është komunikata e Ministrisë së Ekonomisë para disa javësh.
E so, kur po ju konvenon, po e nxjerrin një çmim krejt tjetër, në një ditë me kërkesën më të ulët të vitit, dhe përdorin një çmim joreal, spekulativ të çastit.
Kështu nuk shkon.
Ekonomia, bizneset, prodhuesit janë tonat. Duhet me qenë përkrahës ndaj tyre, jo spekulativ. Bizneset tona, që gjenerojnë gjysmën e ekonomisë, janë përjashtu nga tregu i rregulluar pa përgatitjet e duhura dhe kjo është e papranueshme.
