Komuna e Drenasit tashmë ka një emër të ri në shërbimet noteriale: juristi me përvojë të gjatë, Alban Janova, ka filluar zyrtarisht punën si Noter, duke hapur dyert e zyrës së tij më 16 qershor 2025, në adresën Rruga “Fehmi dhe Xhevë Lladrovci”, Nr.15.
Me një karrierë të ndërtuar mbi baza të forta profesionale dhe integritet të lartë, Janova sjell në këtë rol përvojën e tij shumëvjeçare në sistemin juridik dhe administrativ të Kosovës. Ai ka shërbyer për një kohë të gjatë në kuadër të Shërbimit Spitalor dhe Klinik Universitar të Kosovës (SHSKUK), ku ka dhënë kontribut të vyer në menaxhimin e burimeve njerëzore dhe çështjeve ligjore të proceseve brenda sistemit shëndetësor publik.
Përveç kësaj, ai ka qenë pjesë e ekipit profesional të zyrës juridike “Aldo Law Firm”, ku ka trajtuar me përkushtim çështje komplekse ligjore kryesisht në fushën civile, kontraktore, administrative dhe marrëdhënieve të punës duke dëshmuar qartësi juridike, korrektësi profesionale dhe përkushtim ndaj klientit.
Hapja e zyrës noteriale nga Janova pritet të sjellë një frymë të re në Drenas, duke ofruar shërbime noteriale me standarde të larta profesionale, në përputhje me ligjin dhe nevojat e qytetarëve. Pjesë e stafit profesional të zyrës noteriale do të jetë edhe Bujar Bublaku, i cili ka shërbyer për një periudhë të gjatë në zyrën e noterit tashmë i pensionuar Hajzer Bublaku.
Zyra do të jetë e hapur çdo ditë pune nga ora 08:00 deri në 16:00.
