Pesë të vrarë dhe rreth 300 të lënduar, është bilanci i sulmeve iraniane ndaj Izraelit.
Ministria e shëndetësisë e Izraelit njoftoi se 287 persona u shtruan në spital në të gjithë vendin gjatë natës.
Një person është në gjendje të rëndë dhe 14 të tjerë janë plagosur lehtë, përfshirë dy në një spital për fëmijë në lindje të Tel Avivit.
Gjithashtu ka pasur raportime se tre persona janë nxjerrë nga rrënojat në qytetin portual të Haifës.
Kjo do ta çonte numrin e njerëzve të vrarë gjatë natës në Izrael në tetë.
Ekipet e shpëtimit po kërkojnë për të mbijetuar të bllokuar nën rrënoja në Izraelin qendror pas sulmeve me raketa të Iranit. Qytetet e Tel Avivit, Bnei Brak dhe Petah Tikva u goditën të gjitha.
Ministri i mbrojtjes i Izraelit, Israel Katz, tha se “banorët e Teheranit do ta paguajnë çmimin së shpejti” pas një nate tjetër sulmesh nga Irani.
Ai etiketoi udhëheqësin suprem të Iranit, Ajatollah Ali Khamenei, një “vrasës frikacak që qëllon me armë në frontin e brendshëm civil në Izrael”.
Nga ana tjetër, raportohet se kreu i agjencisë së inteligjencës së Iranit është vrarë në një sulm izraelit ndaj Teheranit.
Mohammed Kazemi, kreu i Organizatës së Inteligjencës së Korpusit të Gardës Revolucionare Islamike (IRGC), drejtoi njërën nga dy agjencitë kryesore të inteligjencës së vendit.
Ai u vra së bashku me zëvendësin e tij, Hassan Mohaqiq, dhe Moshen Bagheri, një oficer i tretë i inteligjencës, gjatë sulmit në kryeqytetin e Iranit.
Benjamin Netanyahu njoftoi vdekjet gjatë një interviste me median amerikane Fox Neës, me pretendimet e tij të konfirmuara nga media shtetërore iraniane pak kohë më vonë.
Vdekja e tyre i shtohet listës së udhëheqësve ushtarakë iranianë dhe shkencëtarëve bërthamorë të vrarë në sulmet izraelite që nga e premtja.
Ata përfshijnë kreun e IRGC-së, komandantin e forcës së saj ajrore dhe kreun e grupit të raketave tokë-tokë të IRGC-së, me Izraelin që pretendon se më shumë se 20 komandantë të lartë ushtarakë janë vrarë.
