Xhudistja kosovare, Laura Fazliu, ka nisur me sukses paraqitjen e saj në Kampionatin Botëror të xhudos që po mbahet në Budapest.
Në xhiron e dytë të kategorisë deri në 63 kilogramë, Fazliu mposhti polaken Natalia Kropska me Ippon, pas një mbërthimi teknik që e detyroi kundërshtaren të dorëzohej.
- Advertisement -
Kjo fitore vjen në momentin kur Laura është duke u rikthyer pas një lëndimi, por ajo tregoi vendosmëri dhe qetësi gjatë gjithë duelit, duke rifituar ritmin në mënyrë graduale.
Triumfi ndaj Kropskës e pozicionon Laurën si një ndër pretendentet kryesore për medalje në këtë kategori.
- Advertisement -
Ajo tashmë e ka dëshmuar veten në skenën më të madhe, duke fituar medaljen e bronztë në Lojërat Olimpike “Paris 2024”.
