Familjet e pengjeve izraelitë që mbahen ende në Gaza janë të ndara mes frikës dhe optimizmit pas vrasjes së liderit të Hamasit.
Disa shqetësohen se militantët që mbajnë të afërmit e tyre, mund të hakmerren për vdekjen e Yahya Sinëar, ndërsa të tjerë e shohin vdekjen e tij, si një shans për t’i sjellë ata në shtëpi.
“Ne nuk e dimë se kush do të dënohet nga ky eliminim”, tha Eyal Kalderon, kushëriri i Ofer Kalderon, i cili u kap rob më 7 tetor 2023.
Efrat Machikaëa, mbesa e pengut 80-vjeçar Gadi Moses, tha se kryeministri i Izraelit Benjamin Netanyahu humbi “disa marrëveshje”.
“Ai ka një shans të sigurohet që të gjithë pengjet të kthehen. Ky është një moment historik”, shtoi ajo.
Rreth 250 pengje u morën nga Hamasi gjatë bastisjeve të tij vdekjeprurëse në Izraelin jugor, ku u vranë rreth 1200 njerëz.
Rreth 100 pengje besohet të mbeten në Gaza, një e treta e të cilëve mendohet të jenë të vdekur.
