Presidentja e Komisionit Evropian, Ursula von der Leyen, do t’i vizitojë javën e ardhshme gjashtë vendet e Ballkanit Perëndimor, përfshirë Kosovën, për të shprehur përkushtimin e saj dhe të komisionit, për angazhim në afrimin e rajonit drejt Bashkimit Evropian.
Von der Leyen, e cila në verë u rizgjodh për një mandat të ri pesëvjeçar, ka paralajmëruar se procesin e zgjerimit e ka ndër prioritetet kryesore dhe për këtë e ka caktuar një komisionare, e cila do të merret vetëm me zgjerimin e bllokut.
- Advertisement -
Mësohet se Ursula von der Leyen, do të vizitojë Prishtinën më 26 tetor dhe do të ketë takime me presidenten Vjosa Osmani dhe kryeministrin Albin Kurti.
