Presidenti amerikan, Donald Trump ka bërë thirrje edhe një herë për një marrëveshje paqeje në Gaza.
Trump postoi në faqen e tij të mediave sociale në mëngjesin e së dielës, duke shënuar herën e dytë këtë fundjavë që ai ka bërë thirrje për paqe në enklavë.
Reagimi i tij, ndodhi në kohën kur të paktën 72 persona u vranë në sulmet izraelite në të gjithë Gazën në 24-orët e fundit.
Nga ana tjetër këtë mëngjes është raportuar për të paktën 11 palestinezë të vrarë në sulmet e fundit izraelite në enklavë, i kanë thënë mjekët agjencisë së lajmeve Reuters.
Personeli i emergjencës dhe banorët thanë se bombardimi i zonës së Jabalias nga Izraeli u përshkallëzua.
Në Khan Younis, në jug, pesë persona u vranë në një sulm ajror ndaj një kampi me tenda, shtuan mjekët.
Para këtyre sulmeve Izraeli lëshoi një urdhër evakuimi që mbulonte qytetin e Gazës dhe zonën e Jabalias.
Mijëra njerëz dolën në rrugët e Tel Avivit, të shtunën vonë, për të kërkuar lirimin e pengjeve.
Protesta të tilla kanë ndodhur rregullisht në Izrael, pasi publiku është kthyer më shumë kundër trajtimit më të gjerë të luftës në Gaza nga qeveria.
