Sipas inteligjencës amerikane, një komunikim privat midis zyrtarëve iranianë tregon një vlerësim më të ndryshëm nga ajo që ka përhapur presidenti Donald Trump. Trump kishte deklaruar se operacioni amerikan “shkatërroi plotësisht dhe totalisht” programin bërthamor iranian, por të dhënat nga kjo bisedë e interceptuar tregojnë se dëmet ishin më të kufizuara se sa u prit.
Administrata Trump ka minimizuar rëndësinë e kësaj thirrjeje të interceptuar, duke u përpjekur të mbrojë narrativën e saj zyrtare. Megjithatë, ky zbulim ngre pyetje mbi efektivitetin real të sulmit dhe gjendjen aktuale të programit bërthamor iranian.
