Gjatë tentimit të 40-të për konstituimin e Kuvendit, deputetes së Lëvizjes Vetëvendosje (LVV), Fitore Pacolli, i erdhi një këshillë e çuditshme në “Messenger”.
Në fotografinë që e ka realizuar gazeta “Nacionale” ku shihet ekrani i një tableti që po e përdorte zonja Pacolli, në një grup të hapur në “Messenger”, të titulluar “Seanca çdo 48h”, dikush dërgon një link në të cilin në gjuhën angleze shkruhet: “Zeoob: Gjenerues i Postimeve të Rreme në Facebook me Komente”.
Menjëherë nën këtë link, dikush shkruan: “Qitu e ndreq kollaj.”
Pacolli ia kthen me një imazh ku duket se një burrë e përqafon kryeministrin në detyrë, Albin Kurti, duke shkruar nën të: “Ka edhe te tille qe videot AI i merr sit e vërteta hahahaha”.
“Hahahaha” – ia kthen bashkëbiseduesi.
Nuk është e qartë nëse grupi “Seanca çdo 48h” përbëhet nga deputetët e LVV-së apo nga anëtarë të tjerë të kësaj partie.
