Kryeministri në detyrë i Kosovës, Albin Kurti, është deklaruar pas hedhjes së gurthemelit për ndërtimin e dy urave të reja mbi Ibër, duke thënë edhe ura aktuale do të hapet.
Ai po ashtu deklaroi se hapja e kësaj ure varet edhe prej karabinierëve italianë që qëndrojnë aty, duke shtuar se “nuk dëshirojmë që të krijojmë kurrfarë fërkime me askënd”.
“Ura aktuale do të hapet po ashtu. Aty siç e din i janë karabinierët italianë. Prej neve është kërkuar që t’i bëjmë matjet e nevojshme në mënyrë që të vlerësohet qëndrueshmëria e urës. Matjet i kemi bërë, ura është e qëndrueshme. Prandaj sa më parë që të hapet, aq më e arsyeshme është. Kur do të hapet, kjo varet edhe nga karabinierët italianë, ne nuk dëshirojmë që të krijojmë kurrfarë fërkime me askënd, përfshirë edhe karabinierët italianë. Prandaj edhe po i presim kur edhe ata të binden siç jemi të bindur edhe ne që ura ka nevojë për qarkullim edhe të automjeteve, jo për persona të uniformuar”, ka deklaruar ai.
