Budva tronditet nga një tragjedi familjare, vëlla e nip të vrarë pas një zënke për transport udhëtarësh

Policia e Malit të Zi ka arrestuar V.S. nga Budva, i cili dyshohet se ka vrarë vëllain e tij S.S. dhe djalin e vëllait të tij këtë mëngjes në Budva.

Vrasja e dyfishtë ndodhi në një bar në plazhin Slovenska.

Siç raporton “Vijesti”, policia e Budvës ka njoftuar se të shtënat kanë ndodhur rreth orës 8 të mëngjesit të sotëm në rrugën Slovenska.

Oficerët e policisë kanë shkuar menjëherë në vendngjarje, ku gjetën të dyshuarin, gjetën një armë zjarri dhe e arrestuan të dyshuarin.

Të dy vëllezërit janë përfshirë në transportimin e turistëve me anije për vite me radhë.

Sipas raportimeve vrasjet kanë ndodhur pas një zënke që autori dhe viktimat kanë pasur rreth transportit të udhëtarëve me anije.