Rutinat e mëngjesit nuk duhet të jenë të ndërlikuara.
Përkundrazi, janë veprimet e vogla dhe të përsëritura ato që ndërtojnë ditën tonë dhe në fund të fundit jetën tonë.
Filloni me 2-3 minuta, shtoni detajet tuaja dhe krijoni mëngjesin që meritoni! 10 minuta janë të mjaftueshme.
Lëreni dritën të hyjë
Gjëja e parë që i duhet trupit tonë kur zgjohemi nuk është kafeja, është drita. Rrezet natyrale të diellit rregullojnë orën tonë të brendshme, të njohur edhe si ritmi ynë cirkadian, duke na ndihmuar të zgjohemi natyrshëm dhe të fillojmë me energji. Prandaj hapni perdet, dilni në ballkon për 5 minuta ose bëni një shëtitje të shkurtër.
Frymëmarrje të vetëdijshme
Sapo të zgjoheni, përpara se të shfletoni telefonin, provoni pak praktikë të vetëdijes. Nuk keni nevojë të keni përvojë, 1-2 minuta frymëmarrje të vetëdijshme janë të mjaftueshme.
Ji mirënjohës
Gjëndja shpirtërore e mëngjesit mund të përcaktojë të gjithë ditën tonë. Megjithatë, një rresht i vetëm në një fletore mund të jetë i mjaftueshëm. Shkruani diçka për të cilën jeni mirënjohës. Ose shkruani një qëllim, p.sh.: “Sot do ta trajtoj veten me më shumë mirësi”
Lëvizni për disa minuta
Trupat tanë kanë nevojë për një “thirrje zgjimi” njësoj si mendjet tona. Edhe disa shtrirje ose 2-3 minuta lëvizje të buta mund të aktivizojnë metabolizmin dhe të çlirojnë endorfina, substanca të prodhuara nga trupi ynë, konkretisht truri dhe sistemi nervor dhe të veprojnë si “qetësues dhimbjesh” natyralë dhe “ngritës” të humorit.
Mos e merrni telefonin (ende)
Mëngjesi është i çmuar dhe fillimi i tij me njoftime, lajme dhe email-e mund të rrisë stresin dhe çorganizimin. Lëreni telefonin mënjanë për 10 minutat e para dhe aktivizoni së pari trupin dhe mendjen tuaj.
Pini një gotë ujë me stomak bosh
Pas orësh të tëra gjumi, trupi është pak i dehidratuar. Një gotë ujë ndihmon në tretje, funksionimin e trurit dhe transportimin e lëndëve ushqyese në të gjithë trupin.
