Ardon Jashari ka folur para mediave italiane për rrënjët e tij shqiptare.
Ai është pyetur edhe për Granit Xhakën, për të cilin kishte bërë shumë përpjekje Milani që ta transferonte, por që dështoi.
Jashari theksoi se shqiptarët rriten me dëshirën për të fituar gjithçka.
“Mendoj që Granit Xhaka ka një karrierë të madhe prapa dhe ende është një lojtar i mrekullueshëm dhe po kam mësuar shumë për të. Atë që kemi të përbashkët janë prejardhja dhe rrënjët tona shqiptare. Jemi rritur ashtu, me atë fuqi brenda nesh, me atë flakë që duam të fitojmë gjithçka që është e mundur. Nuk ka lidhje nëse është ndeshje e futbollit apo diçka tjetër. Mendoj se e kemi atë në zemrat tona, në trupin tonë, që kur jemi në fushë, duam ta fitojmë atë lojë. Dhe këtë dua t’ia japë ekipit”, tha Jashari.
