Personi që mashtronte në rrjetet sociale dhe çoi një vajzë në vetëvrasje, dënohet me burgim të përjetshëm
storm•/Drejtësi: Alexander McCartney, 26 vjeç, u paraqit si vajzë adoleshente për të fituar besimin e të rejave në rrjetet sociale dhe më pas i shantazhonte ato. McCartney u shpall fajtor për 185 akuza që përfshijnë 70 të mitur, dhe u dënua me burgim të përjetshëm, duke u detyruar të vuajë minimumi 20 vjet përpara se të shqyrtohet lirimi me kusht.
Gjykatësi deklaroi se veprimet e McCartney ishin të paprecedenta dhe e përshkroi këtë rast si një nga më të rëndët në lidhje me manipulimin përmes rrjeteve sociale.
Ai shtoi se pavarësisht ndërhyrjeve të policisë në raste të mëparshme, McCartney kishte vijuar me veprimet e tij të paligjshme.
Ky rast po ashtu ka ngritur vetëdijen për rreziqet që lidhen me abuzimin e teknologjisë për të shantazhuar të rinjtë, dhe është cilësuar si një nga hetimet më të mëdha të këtij lloji në botë.
