Apple prezantoi pajisjet e reja që përfshijnë AirPods që përkthejnë drejtpërdrejt, monitorim më të mirë të shëndetit në Apple Watch dhe “hapin më të madh ndonjëherë për iPhone”, në iPhone 17.
Kjo periudhë vjen si pjesë e një plani tre-vjeçar për rishpikjen e iPhone dhe sipas raportimeve, mund të shohim një iPhone të palosshëm vitin e ardhshëm.
iPhone 17 vjen në 5 ngjyra dhe ka një ekran më të madh dhe është më i hollë.
Ka një shtresë mbrojtëse prej qeramike, e cila është më e mirë për rezistencën ndaj gërvishtjeve.
Apple tha se modelet e mëdha gjuhësore, të përdorura për inteligjencën artificiale, do të “funksionojnë edhe më shpejt”.
Do të ketë gjithashtu mundësi që një përdorues të mund të luaj deri në tetë orë, si dhe karikim më të shpejtë.
Kamera kryesore do të jetë 48 megapikselë. Ekziston edhe një kamerë e përparme, e cila tani quhet kamera qendrore e përparme.
Ekziston gjithashtu një sensor katror në kamerën e përparme, i cili lejon kompozime të ndryshme.
Do të fuqizohet nga çipi A19 dhe do të vijë me Apple Intelligence. Çipi i ri, sipas Apple, është njësia qendrore e përpunimit (CPU) më e përparuar në çdo telefon inteligjent.
Ka 256 gigabajt hapësirë ruajtjeje, që është më shumë se dyfishi i asaj të iPhone 16.
Çmimi i modelit bazë fillon nga 799 dollarë, ngjashëm me modelin e tij të mëparshëm.
iPhone Air do të jetë i hollë dhe më i lehtë. Është 5.6 mm i hollë me një ekran Pro Motion 6.5 inç.
Gjithashtu do të ketë mburojën prej qeramike në pjesën e përparme dhe të pasme, dhe pjesa e pasme do të jetë katër herë më rezistente ndaj çarjeve.
Gjithashtu do të ketë një çip N1, i cili do të përmirësojë lidhshmërinë. Telefoni do të ketë edhe një modem më të shpejtë C1X, i cili do ta bëjë atë dy herë më të shpejtë se modemi në iPhone 16e.
Apple tha se kjo duhet ta bëjë iPhone Air iPhone-in më efikas të energjisë dhe se bateria zgjat gjithë ditën dhe do të vijë me aksesorë të rinj. Gjithashtu përdor një eSIM, jo një kartë SIM fizike, për të kursyer hapësirë.
Ekziston një kamerë e pasme, por ka lente të personalizuara që ju lejojnë të kadroni pamjen tuaj në katër mënyra të ndryshme. Ekziston gjithashtu kamera Centre Stage për kamerën e përparme.
Do të kushtojë deri në 999 dollarë.
iPhone 17 Pro dhe Pro Max janë modelet më të fuqishme të prodhuara ndonjëherë, ka thëne shefi i Apple dhe sipas tij kjo përfaqëson hapin më të madh ndonjëherë për iPhone-ët.
Materiali ka ndryshuar nga një kornizë titaniumi në një kornizë alumini. Gjithashtu ka Mburojën Qeramike për të mbrojtur pajisjen, veçanërisht nga gërvishtjet.
Apple iPhone 17 Pro vjen me një të ashtuquajtur ‘Dhomë Avulli’ për të ndihmuar në menaxhimin e temperaturës së iPhone.
Vjen në ngjyrë argjendi, blu dhe portokalli, por jo të zezë.
Kushton 1099 dollarë për Pro dhe 17 Pro Max fillon nga 1,199 dollarë.
Apple fillon me AirPods dhe AirPods Pro 3 premton të përkthejë fjalë dhe fraza përmes Apple Intelligence.
Kjo pajisje madje ka edhe një monitor që mat rrahje të zemrës, mund të gjurmojë kaloritë tuaja dhe mund të gjurmoj 50 lloje të ndryshme ushtrimesh.
Gjithashtu do të zgjasë 8 orë me një karikim të vetëm, që është dy orë më shumë se modeli i mëparshëm.
Kushton 249 dollarë dhe është në dispozicion nga 19 shtatori.
Ora Apple Watch 11 i kushton edhe më shumë vëmendje shëndetit. Apple tha se do të monitorojë zemrën, dëgjimin, shëndetin mendor dhe gjurmimin e ciklit.
Por tani do të gjurmojë hipertensionin, presionin e lartë kronik të gjakut dhe do të identifikojë modelet bazuar në të dhënat e mëparshme të përdoruesve. Megjithatë, ende kërkon miratimin e FDA-së.
Do të ketë gjithashtu një rezultat të ri gjumi, për të matur se si po flenë përdoruesit.
Bateria tani do të funksionojë për 24 orë dhe vjen me 5G.
Çmimi fillon nga 399 dollarë.
Modeli i ri SE i nivelit fillestar ka një ekran gjithmonë aktiv. Tani mbështetet sensori i temperaturës dhe modeli celular ka lidhje 5G. Ai ka funksionin e vlerësimit të gjumit dhe monitorimin e gjumit. Jetëgjatësia e baterisë është 18 orë.
