Kryeministri britanik Sir Keir Starmer gjatë konferencës me presidentin amerikan Trump, ka thënë se planet për ta njohur shtetin e Palestinës nuk kanë lidhje me Hamasin.
“Le të jem shumë i qartë për Hamasin, është një organizatë terroriste që nuk mund të ketë asnjë rol në asnjë qeverisje të ardhshme në Palestinë. Ajo që ndodhi më 7 tetor ishte sulmi më i keq që nga Holokausti, ne kemi familje të zgjeruar në Izrael, e kuptoj nga afër ndikimin psikologjik që pati në të gjithë Izraelin. Unë e di saktësisht se ku qëndroj në lidhje me Hamasin”, tha ai.
Kurse Trump deklaroi se kishte parë videot e tmerrshme të 7 tetorit kur Hamasi kishte vrarë izraelitë pa dallim moshe.
“Foshnje që janë katër muajsh dhe sapo janë prerë në copa. I ke parë kasetat dhe unë i kam parë, ti je profesionist dhe unë jam gjithashtu. Njerëzit e harrojnë 7 tetorin, unë nuk mund ta harroj”.
Megjithëse dyshja kanë mosmarrëveshje në lidhje me njohjen e Palestinës, ata para gazetarëve thanë se bien dakord që të ketë paqe, pasi situata në Gaza është e patolerueshme.
Por Donald Trump bëri thirrje për lirimin e 48 pengjeve që mbahen ende nga Hamasi që nga 7 tetori.
Megjithëse ka shprehur nervozë ndaj presidentit rus Putin, Trump tha se nuk i ka rënë pishman që e kishte ftuar në Alaska.
Starmer tha se Trump dhe aleatët evropianë duhet të “ushtrojnë presion shtesë mbi Putinin”.
