Më 3 tetor ndërron komanda, Ozkan Ulutash rikthehet në krye të KFOR-it

Në krye të KFOR-it sërish do të jetë gjeneral majori turk, Ozkan Ulutash.

Më 3 tetor, në ora 11:00, komandanti në largim Enrico Barduani do t’ia dorëzojë detyrën Ulutashit.

Në ceremoninë e ndërrimit të Komandës do të jetë është admirali Stuart B. Munsch, Komandanti i Komandës së Forcave të Përbashkëta Aleate në Napoli.

“Gjeneralmajori i Ushtrisë Italiane, Enrico BARDUANI, do t’ia dorëzojë komandën e KFOR-it gjeneralmajorit të Ushtrisë Turke, Özkan ULUTAŞ”, thuhet në njoftimin e KFOR-it.

Ulutash ka qenë komandat i KFOR-it para Barduanit.