Instituti Hidrometeorologjik i Kosovës (IHMK) ka paralajmëruar ndryshim të kushteve atmosferike sot.
IHMK ka njoftuar se sot (e enjte) moti do të jetë kryesisht me diell dhe vranësira të shpërndara. Megjithatë, në pjesën e dytë të ditës parashihen riga shiu, të shoqëruara me rrufe në disa zona.
- Advertisement -
Sipas parashikimit, temperaturat minimale do të lëvizin ndërmjet 8 dhe 12 gradë Celsius, ndërsa ato maksimale do të arrijnë nga 23 deri në 25 gradë Celsius.
Era do të fryjë nga verilindja me shpejtësi prej 1 deri në 9 metra për sekondë.
